ନଵଧା ଭକ୍ତି :: ଶ୍ରବଣ, କୀର୍ତ୍ତନ, ସ୍ମରଣ, ପୂଜନ, ବନ୍ଦନ, ପାଦ ସେବନ, ଦାସ୍ୟ, ସଖ୍ୟ ଓ ଆତ୍ମନିବେଦନ

feature-article

PAGE VIEWS: 3,035

 

ଦୁର୍ଲ୍ଲଭ ମାନବ ଜୀବନର ଚରମ ଲକ୍ଷ୍ୟ ହେଉଛି ଆତ୍ମୋପଲବ୍ଧି | ଅନ୍ୟ ଅର୍ଥରେ କହିବାକୁ ଗଲେ ଆତ୍ମା ସ୍ଵରୂପ ପରମ ପୁରୁଷଙ୍କ ସାକ୍ଷାତକାରରେ ଜୀବ ପରମପଦ ଲାଭ କରିବାକୁ ସକ୍ଷମ ହୁଏ | ଈଶ୍ଵର ପ୍ରାପ୍ତି ପାଇଁ ବେଦ ବିହିତ ଅନେକ ମାର୍ଗ ରହିଛି | କେହି ଧର୍ମ ମାର୍ଗରେ ପଥିକ ହୁଅନ୍ତି ତ କେହି ଜ୍ଞାନ ମାର୍ଗ ଯାଇ ଧାର୍ମିକ ଓ ଜ୍ଞାନୀ ହୁଅନ୍ତି | କେତେକ ବ୍ୟକ୍ତି ଯୋଗ
ମାର୍ଗରେ ଗମି ଦିବ୍ୟ ଜ୍ୟୋତି ରୂପି ପରମାତ୍ମାଙ୍କୁ ଦର୍ଶନ କରନ୍ତି | ତେବେ ଈଶ୍ଵର ପ୍ରାପ୍ତିର ସବୁଠୁ ସହଜ ଓ ସରଳ ମାର୍ଗ ହେଉଛି ଭକ୍ତି ମାର୍ଗ | ସାମ୍ପ୍ରତିକ ଜଞ୍ଜାଳମୟ ଜୀବନରେ ଜ୍ଞାନ ଯୋଗ ଆଦି କରିବା କଷ୍ଟସାଧ୍ୟ | ତେବେ ସହଜ ଭକ୍ତି ମାର୍ଗରେ କଷ୍ଟଲବ୍ଧ ପରମପଦ ପ୍ରାପ୍ତ ହୋଇଥିବାର ଅନେକ ଦୃଷ୍ଟାନ୍ତ ରହିଛି |

Shukadev Ji Narrating The Bhagavata Purana to King Parikshit

ଶ୍ରୀମଦ୍ ଭାଗଵତ ମହାପୁରାଣ ଅନୁଯାୟୀ ଭକ୍ତି ହେଉଛନ୍ତି ଜଣେ ଦେବୀ, ଜ୍ଞାନ ଓ ବୈରାଗ୍ୟ ତାଙ୍କର ଦୁଇ ପୁତ୍ର | କଳି ଯୁଗର ପ୍ରଭାବରେ ଜ୍ଞାନ ଓ ବୈରାଗ୍ୟ ବୃଦ୍ଧାବସ୍ଥାରେ ମୁମୂର୍ଷୁ ହୋଇପଡିଥିବା ବେଳେ ପୁତ୍ରଙ୍କ ଦୁଃଖରେ ଭକ୍ତି ଦେବୀ ଆକୁଳ କ୍ରନ୍ଦନ କରୁଥିଲେ | ଏହି ସମୟରେ ଦେବର୍ଷି ନାରଦଙ୍କ ସହିତ ତାଙ୍କର ଭେଟ ହେବାରୁ ନାରଦମୁନି ଏହି ଦୁଃଖର ନିବାରଣର ଉପାୟ ଜଣାଇଥିଲେ | ଶାସ୍ତ୍ର ଅନୁଯାୟୀ ଭକ୍ତିଦେବୀଙ୍କର ନଅଗୋଟି ସ୍ଵରୂପ | ଭକ୍ତମାନେ ପ୍ରଭୁଙ୍କୁ ନଅ ଗୋଟି ସ୍ଵରୂପରେ ଭକ୍ତି ନିବେଦନ କରନ୍ତି | ଏହାକୁ ନବଧା ଭକ୍ତି ବୋଲି କୁହାଯାଏ | ଶ୍ରବଣ, କୀର୍ତ୍ତନ, ସ୍ମରଣ, ପୂଜନ, ବନ୍ଦନ, ପାଦ ସେବନ, ଦାସ୍ୟ, ସଖ୍ୟ ଓ ଆତ୍ମନିବେଦନ | ଶ୍ରୀହରି ବିଷ୍ଣୁଙ୍କ ଉପାସନା ଏହି ନଅପ୍ରକାରେ କରାଯାଏ | ଶାରୀରିକ ଅକ୍ଷମତା ଯୋଗୁ ଜଣେ ଭକ୍ତ କିଛି କାର୍ଯ୍ୟ କରିନପାରିଲେ ବି ଶ୍ରୀହରିଙ୍କ ନାମ ଓ ଗୁଣ ଶ୍ରବଣ, କୀର୍ତ୍ତନ ଓ ସ୍ମରଣ କରିହେବ | ମୂର୍ତ୍ତିପୂଜନ, ବନ୍ଦନା ଗାନ ଓ ପାଦ ସେବନ ହେଉଛି ପ୍ରଭୁଙ୍କ ସେବା କାର୍ଯ୍ୟ | ଭକ୍ତ ଅକୁଣ୍ଠ ଚିତ୍ତରେ ପ୍ରଭୁଙ୍କ ପାଦପଦ୍ମ ସେବାରେ ମଜି ଯାଏ ତେବେ ଭକ୍ତିର ଚରମ ସୋପାନ ହେଉଛି ସମର୍ପଣ | ମହର୍ଷି ପତଞ୍ଜଳି ମଧ୍ୟ ସବୁ ଯୋଗାଭ୍ୟାସକୁ ଗୋଟିଏ ପଟେ ରଖି ଆତ୍ମ ସମର୍ପଣ ଦ୍ଵାରା ଈଶ୍ଵର ପ୍ରାପ୍ତି ବୋଲି ମତ ଦେଇଛନ୍ତି | ସମର୍ପଣ ଭକ୍ତି ମଧ୍ୟ ତିନି ପ୍ରକାରର | ଦାସ୍ୟ, ସଖ୍ୟ ଓ ଆତ୍ମନିବେଦନ | ଭାରତବର୍ଷରେ ନଅ ଜଣ ଗୁରୁଙ୍କୁ ନବଧା ଭକ୍ତିର ଆଦର୍ଶ ଗୁରୁ ଭାବେ ଗ୍ରହଣ କରାଯାଏ | ଶ୍ରୀହରିଙ୍କ ନାମ ଓ ମହିମା ଶ୍ରବଣରେ ମହାରାଜ ପରିକ୍ଷିତଙ୍କୁ ଆଦର୍ଶ ବ୍ୟକ୍ତି ବୋଲି କୁହାଯିବ | ମାୟାମୋହ ସବୁ ଭୁଲି ରାଜା ପରିକ୍ଷିତ ଅଖଣ୍ଡ ଭାବରେ ହରିକଥା ଶ୍ରବଣ କରିଥିଲେ | ହରିଙ୍କ ଗୁଣ ନିହୀତରେ ମହର୍ଷି ବ୍ୟାସ ହିଁ ଶ୍ରେଷ୍ଠ | ବେଦର ବିଭାଜନ ସହ ପୁରାଣ, ମହାପୁରାଣ, ମହାଭାରତ ଆଦି ଅନେକର ସେ ସୃଷ୍ଟିକର୍ତ୍ତା | ଏସବୁ ଗ୍ରନ୍ଥର ଆଦ୍ୟ ପ୍ରାନ୍ତ ମଧ୍ୟ ସବୁଠି ହରିଙ୍କ ମହିମା ଗାନ ହିଁ ଗାନ କରାଯାଇଛି | ଶ୍ରୀହରିଙ୍କ ସ୍ମରଣରେ ପଣ୍ଡିତମାନେ ପ୍ରହ୍ଲାଦଙ୍କୁ ଶ୍ରେଷ୍ଠ ବୋଲି ମନେ କରନ୍ତି | ଆବାଲ୍ୟ ହରି ସ୍ମରଣ ସହ ସଂସାରକୁ ସେ ମନେକରନ୍ତି ପରମାତ୍ମାମୟ | ରାକ୍ଷସକୁଳରେ ଜାତ ହୋଇବି ହରିଭକ୍ତି ପାଇଁ ଆଦି ପ୍ରହ୍ଲାଦ ଭକ୍ତଶ୍ରେଷ୍ଠ ଭାବେ ପରିଚିତ | ତ୍ରିଲୋକପତିଙ୍କ ପାଦ ସେବନ ସାକ୍ଷାତ ମୁକ୍ତିଦାୟୀ | ଏହି ସୌଭାଗ୍ୟ ସମସ୍ତଙ୍କ ଭାଗ୍ୟରେ ଜୁଟେନା | ଦେବୀ ମହାଲକ୍ଷ୍ମୀ ଏହି ସୌଭାଗ୍ୟର ଅଧିକାରିଣୀ | ନିତ୍ୟ ସେ ହିଁ ଅନନ୍ତଶାୟୀ ବିଷ୍ଣୁଙ୍କ ପଦ ସେବା କରିପାରନ୍ତି | ସମସ୍ତେ ପରମେଶ୍ଵରଙ୍କୁ ପୂଜା କରନ୍ତି | କିନ୍ତୁ ରାଜା ପୃଥୁଙ୍କୁ ପ୍ରଭୁଙ୍କ ଶ୍ରେଷ୍ଠ ପୂଜକ ଭାବେ ଗଣାଯାଏ | ସେହିପରି ପ୍ରଭୁଙ୍କ ସ୍ମୃତି ବନ୍ଦନାରେ ସାରଥୀ ଅକ୍ରୁର | ସଫଳାସୂତ ଅକ୍ରୁର ଭକ୍ତିରେ ବିଭୋର ହୋଇ ପ୍ରଭୁ ଶ୍ରୀକୃଷ୍ଣ ତାଙ୍କୁ ପାଣି ଭିତରେ ଦର୍ଶନ ଦେଇଥିଲେ | ପ୍ରଭୁଙ୍କ ସେବାକୁ ଜୀବନର ଧର୍ମ ଭାବେ ଗ୍ରହଣ କରିଥିବା ଅଦ୍ଵିତୀୟ ଭକ୍ତ ହେଉଛନ୍ତି କପିପତି ହନୁମାନ | ପ୍ରଭୁ ରାମଙ୍କ ପାଇଁ ହନୁମାନଙ୍କ ଜୀବନ ଉତ୍ସର୍ଗୀକୃତ ଥିଲା | ପ୍ରଭୁଙ୍କ ସେବା ହିଁ ଥିଲା ତାଙ୍କ ଜୀବନର ଲକ୍ଷ୍ୟ ତେଣୁ ସେ ହୋପାରିଥିଲେ ପ୍ରଭୁଙ୍କ ପ୍ରିୟଭକ୍ତ | ସଖାପଣରେ ଶ୍ରେଷ୍ଠ ଥିଲେ କୁନ୍ତୀପୁତ୍ର ଅର୍ଜୁନ | କୃଷ୍ଣାର୍ଜୁନଙ୍କ ମିତ୍ରତା ଭାରତ ଭୂମିରେ ଯୁଗଯୁଗ ଆଦର୍ଶ ହୋଇ ରହିଛି | ସବୁଠୁ ବଡ କଥା ହେଲା ସର୍ବସ୍ଵ ସମର୍ପଣ | ଏକଥା କରିପାରିଥିଲେ ମହାରାଜା ବଳି | ଗୁରୁ ଶୁକ୍ରାଚାର୍ଯ୍ୟଙ୍କ ବାରଣ ସତ୍ତ୍ଵେ ବାମନ ରୂପୀ ବିଷ୍ଣୁଙ୍କୁ ସେ ତ୍ରିଲୋକ ଅର୍ପଣ କରି ଶେଷରେ ନିଜକୁ ଅର୍ପଣ କରିଦେଇଥିଲେ | ବଳିଙ୍କ ଏହି ଦାନ କଥା ସ୍ଵର୍ଣ୍ଣାକ୍ଷରରେ ଲିପିବଦ୍ଧ ହେଲା | ତେବେ ପୂର୍ବରୁ ମାତ୍ର ଏହି ନଅଜଣ ଭକ୍ତ ପ୍ରଭୁଙ୍କ ପ୍ରିୟପାତ୍ର ହୋଇଥିଲେ ତାହା ନୁହେଁ ଅନେକ ଭକ୍ତ ନିଜର ଭକ୍ତି ବଳରେ ଈଶ୍ଵର ପ୍ରାପ୍ତି କରିଥିବାର ଦୃଷ୍ଟାନ୍ତ ରହିଛି | ନଵଧା ଭକ୍ତି ମଧ୍ୟରୁ ଯେ କୌଣସି ଗୋଟିଏକୁ ଯଥାର୍ଥ ଭାବେ ଅନୁଷ୍ଠାନ କଲେ ଆମେ ମଧ୍ୟ ଶ୍ରୀହରିଙ୍କ କୃପା ଲାଭ କରିପାରିବା | ଏଥିରେ ସନ୍ଦେହର ଅକାଶ ନାହିଁ |

ପୂଜନ ପାଦ ସେବନ ଭକ୍ତି ମାର୍ଗ


Weather Puri  Sat, 23 Sep 2017 04:30 AM IST
Temperature:28°C
Mostly Cloudy
Wind: 14km/h South West
Humidity: 83%



    LOOKING AHEAD Puri Weather
  • 24 Sep 2017
    Thunderstorms
    High:29°C Low:29°C
  • 25 Sep 2017
    Thunderstorms
    High:29°C Low:28°C
  • 26 Sep 2017
    Thunderstorms
    High:29°C Low:27°C
  • 27 Sep 2017
    Thunderstorms
    High:28°C Low:27°C

Bhaja Govindam – immor..

Bhaja Govindam – immortal composition of Adi Sankaracharya https://t.co/GxdDrBpqkh

Gupta Gundicha In Srikhe..

Gupta Gundicha In Srikhetra – Durga Madhab worshiping https://t.co/BAyYojsAlQ https://t.co/BAyYojsAlQ https://t.co/BAyYojsAlQ

https://t.co/J7rdwzZ0jV Goddess Chandraghanta is the third among the nine forms of Durga is worshipped on the third day of Navratri.

Story of Lord Rama is ..

Story of Lord Rama is “source book” of India’s Spiritual & cultural heritage. Read Sankhipta Ramayan #DurgaPuja… https://t.co/lDtqB7x3sy