ଶ୍ରୀଦେଵ୍ୟୁଵାଚ –
ଦେଵଦେଵ ମହାଦେଵ ସର୍ଵଜ୍ଞ କରୁଣାନିଧେ ।
ଶ୍ରୋତୁମିଚ୍ଛାମି ତାର୍କ୍ଷ୍ୟସ୍ୟ ନାମ୍ନାମଷ୍ଟୋତ୍ତରଂ ଶତମ୍ ।
ଈଶ୍ଵର ଉଵାଚ –
ଶୃଣୁ ଦେଵି ପ୍ରଵକ୍ଷ୍ୟାମି ଗରୁଡସ୍ୟ ମହାତ୍ମନଃ ।
ନାମ୍ନାମଷ୍ଟୋତ୍ତରଶତଂ ପଵିତ୍ରଂ ପାପନାଶନମ୍ ॥
ଅସ୍ୟ ଶ୍ରୀଗରୁଡନାମାଷ୍ଟୋତ୍ତରଶତମହାମନ୍ତ୍ରସ୍ୟ ବ୍ରହ୍ମା ଋଷିଃ
ଅନୁଷ୍ଟୁପ୍ ଛନ୍ଦଃ ଗରୁଡୋ ଦେଵତା । ପ୍ରଣଵୋ ବୀଜମ୍ । ଵିଦ୍ୟା ଶକ୍ତିଃ ।
ଵେଦାଦିଃ କୀଲକମ୍ । ପକ୍ଷିରାଜପ୍ରୀତ୍ୟର୍ଥେ ଜପେ ଵିନିୟୋଗଃ ।
ଧ୍ୟାନମ୍ –
ଅମୃତକଲଶହସ୍ତଂ କାନ୍ତିସମ୍ପୂର୍ଣଦେହଂ
ସକଲଵିବୁଧଵନ୍ଦ୍ୟଂ ଵେଦଶାସ୍ତ୍ରୈରଚିନ୍ତ୍ୟମ୍ ।
କନକରୁଚିରପକ୍ଷୋଦ୍ଧୂୟମାନାଣ୍ଡଗୋଲଂ
ସକଲଵିଷଵିନାଶଂ ଚିନ୍ତୟେତ୍ପକ୍ଷିରାଜମ୍ ॥
ଓଂ । ଵୈନତେୟଃ ଖଗପତିଃ କାଶ୍ୟପୋଽଗ୍ନିର୍ମହାବଲଃ ।
ତପ୍ତକାଶ୍ଚନଵର୍ଣାଭଃ ସୁପର୍ଣୋ ହରିଵାହନଃ ॥ ୧ ॥
ଛନ୍ଦୋମୟୋ ମହାତେଜା ମହୋତ୍ସାହୋ ମହାବଲଃ ।
ବ୍ରହ୍ମଣ୍ୟୋ ଵିଷ୍ଣୁଭକ୍ତଶ୍ଚ କୁନ୍ଦେନ୍ଦୁଧଵଲାନନଃ ॥ ୨ ॥
ଚକ୍ରପାଣିଧରଃ ଶ୍ରୀମାନ୍ନାଗାରିର୍ନାଗଭୂଷଣଃ ।
ଵିଜ୍ଞାନଦୋ ଵିଶେଷଜ୍ଞୋ ଵିଦ୍ୟାନିଧିରନାମୟଃ ॥ ୩ ॥
ଭୂତିଦୋ ଭୁଵନତ୍ରାତା ଭୂଶୟୋ ଭକ୍ତଵତ୍ସଲଃ ।
ସପ୍ତଚ୍ଛନ୍ଦୋମୟଃ ପକ୍ଷୀ ସୁରାସୁରସୁପୂଜିତଃ ॥ ୪ ॥
ଗଜଭୁକ୍ କଚ୍ଛପାଶୀ ଚ ଦୈତ୍ୟହନ୍ତାଽରୁଣାନୁଜଃ ।
ଅମୃତାଂଶୋଽମୃତଵପୁରାନନ୍ଦନିଧିରଵ୍ୟୟଃ ॥ ୫ ॥
ନିଗମାତ୍ମା ନିରାହାରୋ ନିସ୍ତ୍ରୈଗୁଣ୍ୟୋ ନିରପ୍ୟୟଃ ।
ନିର୍ଵିକଲ୍ପଃ ପରଂ ଜ୍ୟୋତିଃ ପରାତ୍ପରତରଃ ପରଃ ॥ ୬ ॥
ଶୁଭାଙ୍ଗଃ ଶୁଭଦଃ ଶୂରଃ ସୂକ୍ଷ୍ମରୂପୀ ବୃହତ୍ତନୁଃ ।
ଵିଷାଶୀ ଵିଦିତାତ୍ମା ଚ ଵିଦିତୋ ଜୟଵର୍ଧନଃ ॥ ୭ ॥
ଦାର୍ଢ୍ୟାଙ୍ଗୋ ଜଗଦୀଶଶ୍ଚ ଜନାର୍ଦନମହାଧ୍ଵଜଃ ।
ସତାଂ ସନ୍ତାପଵିଚ୍ଛେତ୍ତା ଜରାମରଣଵର୍ଜିତଃ ॥ ୮ ॥
କଲ୍ୟାଣଦଃ କଲାତୀତଃ କଲାଧରସମପ୍ରଭଃ ।
ସୋମପଃ ସୁରସଙ୍ଘେଶୋ ୟଜ୍ଞାଙ୍ଗୋ ୟଜ୍ଞଭୂଷଣଃ ॥ ୯ ॥
ମହାଜଵୋ ଜିତାମିତ୍ରୋ ମନ୍ମଥପ୍ରିୟବାନ୍ଧଵଃ ।
ଶଙ୍ଖଭୃଚ୍ଚକ୍ରଧାରୀ ଚ ବାଲୋ ବହୁପରାକ୍ରମଃ ॥ ୧୦ ॥
ସୁଧାକୁମ୍ଭଧରୋ ଧୀମାନ୍ଦୁରାଧର୍ଷୋ ଦୁରାରିହା ।
ଵଜ୍ରାଙ୍ଗୋ ଵରଦୋ ଵନ୍ଦ୍ୟୋ ଵାୟୁଵେଗୋ ଵରପ୍ରଦଃ ॥ ୧୧ ॥
ଵିନତାନନ୍ଦନଃ ଶ୍ରୀଦୋ ଵିଜିତାରାତିସଙ୍ଗୁଲଃ ।
ପତଦ୍ଵୀରଷ୍ଠଃ ସର୍ଵେଶଃ ପାପହା ପାପନାଶନଃ ॥ ୧୨ ॥
ଅଗ୍ନିଜିଜ୍ଜୟଘୋଷଶ୍ଚ ଜଗଦାହ୍ଲାଦକାରକଃ ।
ଵଜ୍ରନାସଃ ସୁଵକ୍ତ୍ରଶ୍ଚ ମାରିଘ୍ନୋ ମଦଭଞ୍ଜନଃ ॥ ୧୩ ॥
କାଲଜ୍ଞଃ କମଲେଷ୍ଟଶ୍ଚ କଲିଦୋଷନିଵାରଣଃ ।
ଵିଦ୍ୟୁନ୍ନିଭୋ ଵିଶାଲାଙ୍ଗୋ ଵିନତାଦାସ୍ୟମୋଚନଃ ॥ ୧୪ ॥
ସ୍ତୋମାତ୍ମା ଚ ତ୍ରୟୀମୂର୍ଧା ଭୂମା ଗାୟତ୍ରଲୋଚନଃ ।
ସାମଗାନରତଃ ସ୍ରଗ୍ଵୀ ସ୍ଵଚ୍ଛନ୍ଦଗତିରଗ୍ରଣୀଃ ॥ ୧୫ ॥
ଇତୀଦଂ ପରମଂ ଗୁହ୍ୟଂ ଗରୁଡସ୍ୟ ମହାତ୍ମନଃ
ନାମ୍ନାମଷ୍ଟୋତ୍ତରଶତଂ ପଵିତ୍ରଂ ପାପନାଶନମ୍ ।
ସ୍ତୂୟମାନଂ ମହାଦିଵ୍ୟଂ ଵିଷ୍ଣୁନା ସମୁଦୀରିତମ୍ ॥ ୧୬ ॥
ଇତି ବ୍ରହ୍ମାଣ୍ଡପୁରାଣାନ୍ତର୍ଗତଂ ଗରୁଡାଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ।
