ପ୍ରଭୁ! ମୋ ବଂଶରେ ଏ ଦେଉଳ ମୋର ବୋଲି ଦାବି କରିବାକୁ କେହି ନରହୁ। – ମାଦଳାପାଞ୍ଜିରୁ ଜଗନ୍ନାଥ

feature-article

PAGE VIEWS: 1,775

 


ମୁଳ ଲେଖା
ଶ୍ରୀଜଗନ୍ନାଥ, ମାଦଳପାଞି ଓ ସାମ୍ୟବାଦ
ଅରୁଣକୁମାର ପଣ୍ଡା
ବରିଷ୍ଠ ସାମ୍ବାଦିକ
୩୦ ଜୁନ ୨୦୧୭ – ସମାଜ


ଇନ୍ଦ୍ରଦ୍ୟୁମ୍ନ ମହାରାଜା ବଡ ବିଷ୍ଣୁଭକ୍ତ ଥିଲେ ଏବଂ କେଉଁଠାକୁ ଗଲେ ବିଷ୍ଣୁଙ୍କ ସହ ସାକ୍ଷାତ ହେବ ବୋଲି ଚିନ୍ତତ ଥିଲେ। ଜଣେ ବୈଷ୍ଣବ ଦୈବବଶତଃ ଇନ୍ଦ୍ରଦ୍ୟୁମ୍ନଙ୍କ ରାଜସଭାରେ ପ୍ରବେଶ ହୋଇ ନୀଳମାଧବଙ୍କ କଥା ଜଣାଇଲେ। ରାଜା ଏ ସମ୍ବାଦ ପ୍ରାପ୍ତ ହୋଇ ରାଜପୁରୋହିତ ବିଦ୍ୟାପତିଙ୍କୁ ରାସ୍ତା ପ୍ରଭୃତି ଠିକଣା କରିବା ଲାଗି ପ୍ରେରଣ କଲେ। ବିଦ୍ୟାପତି ବହୁ ଶ୍ରମକରି ବିଶ୍ଵାବସୁ ଶବର ଘରେ

ଇନ୍ଦ୍ରଦ୍ୟୁମ୍ନ ସରୋବର ନିକଟବର୍ତି ଏକ ମନ୍ଦିରେ ବିରାଜିତ – ରାଜା ଇନ୍ଦ୍ରଦ୍ୟୁମ୍ନ

ପ୍ରବେଶ ହେଲେ ଏବଂ ତା ସହିତ ମିତ୍ରତା ସ୍ଥାପନ କଲେ। ଶବର କନ୍ୟା ସହିତ ବିଦ୍ୟାପତିଙ୍କର ବିବାହ ହେଲା ଏବଂ ତା ସାହାଯ୍ୟରେ ନୀଳମାଧବ ଦର୍ଶନ କଲେ। ବିଦ୍ୟାପତି ଦର୍ଶନ ଲାଭ କରି ଫେରି ଆସି ଇନ୍ଦ୍ରଦ୍ୟୁମ୍ନ ମହାରାଜାଙ୍କୁ ସମ୍ବାଦ ଦେଲେ।

ଇନ୍ଦ୍ରଦ୍ୟୁମ୍ନ ମହାରାଜା ସମ୍ବାଦ ପାଇ କୃତକୃତ୍ୟ ହୋଇ ଦର୍ଶନ ଲାଭ ଆଶାରେ ଯାତ୍ରା କଲେ। ଇତି ମଧ୍ୟରେ ନୀଳମାଧବ ଅନ୍ତର୍ଦ୍ଧାନ ହେଲେ ଏବଂ ରାସ୍ତାରେ ଏ ସମ୍ବାଦ ନାରଦ ଇନ୍ଦ୍ରଦ୍ୟୁମ୍ନଙ୍କୁ ଜଣାଇଲେ। ରାଜା ସମ୍ବାଦପାଇ ଅତି ଦୁଃଖିତ ହେଲେ ଏବଂ ଆପଣାକୁ ଧିକ୍କାର କଲେ;ମାତ୍ର ଆକାଶବାଣୀ ହେଲା,’ତୁମେ ଆଉ ଏ ମୂର୍ତ୍ତି ଦେଖିପାରିବ ନାହିଁ। ପାଚଂଶ ବର୍ଷ ମଧ୍ୟରେ ଏକହଜାର ଅଶ୍ଵମେଧ୍ୟ ଯଜ୍ଞ କଲେ ଆମ୍ଭେ ଦାରୁବ୍ରହ୍ମ ରୂପରେ ଅବତୀର୍ଣ୍ଣ ହେବୁ।’ ସେତେବେଳେ ତୁମ୍ଭେ ଦର୍ଶନ ପାଇବ। ଆମ୍ଭେ ଚତୁର୍ଦ୍ଧାମୂର୍ତ୍ତିରେ ଆବିର୍ଭୂତ ହେବୁ; ଯଥା-୧-ବଳଭଦ୍ର,ଶଙ୍ଖବର୍ଣ୍ଣ ଋକ୍ ବେଦରେ କରିବ ଏବଂ ରାଜମନ୍ତ୍ରରେ ପୂଜା କରିବ। ୨-ଜଗନ୍ନାଥ ନୀଳମେଘ ପରି ବର୍ଣ୍ଣ,ସାମବେଦରେ ଚିନ୍ତା,ଦ୍ଵାଦଶାକ୍ଷର ମନ୍ତ୍ରରେ ପୂଜା। ୩-ସୁଭଦ୍ରା ଅରୁଣ ଓ କୁଙ୍କୁମ ବର୍ଣ୍ଣ ମିଶ୍ରିତ ଯଜୁବେଦରେ ଚିନ୍ତା,ଦେବୀ ଶକ୍ତିମନ୍ତ୍ର। ୪-ସୁଦର୍ଶନ ରକ୍ତବର୍ଣ୍ଣ,ଅଥର୍ବ ବେଦରେ ଚିନ୍ତା।

ରାଜା ଏହି ଆକାଶବାଣୀ ଶୁଣି କ୍ଷେତ୍ର ମଧ୍ୟରେ ଅଶ୍ଵମେଧ ଯଜ୍ଞ ଆରମ୍ଭ କଲେ। ଇନ୍ଦ୍ରଦ୍ୟୁମ୍ନ ପୋଖରୀଠାରେ ଯଜ୍ଞ ହେଲା। ସେଠାରୁ ଦାରୁବ୍ରହ୍ମ ଆସି ସମୁଦ୍ରରେ ବାଙ୍କୀମୁହାଣ ନିକଟରେ ଲାଗିଲା। ସେଠାରୁ ଦାରୁ ଅଣାଯାଇ ଗୁଣ୍ଡିଚା ମନ୍ଦିରରେ ମୂର୍ତ୍ତି ଗଠିତ ହେଲା। ଇନ୍ଦ୍ରଦ୍ୟୁମ୍ନଙ୍କ ସ୍ତ୍ରୀଙ୍କ ନାମ ଗୁଣ୍ଡିଚା ଥିଲା। ଗୁଣ୍ଡିଚା ମନ୍ଦିର ଓ ଗୁଣ୍ଡିଚା ଯାତ୍ରା ତାଙ୍କ ନାମରେ ନାମିତ। ଇନ୍ଦ୍ରଦ୍ୟୁମ୍ନ ମହାରାଜା ବଡଦେଉଳ ଶୁଭଦେଲେ। ୧୦୦୦ହାତ ଉଚ୍ଚରେ ଦେଉଳ ପ୍ରସ୍ତୁତ କରାଇଲେ ଏବଂ ଦେବତାମାନଙ୍କୁ ପ୍ରତିଷ୍ଠା କରାଇ ଦେଉଳରେ ବିଜେ କରାଇବା ଲାଗି ବ୍ରହ୍ମାଙ୍କ ନିକଟକୁ ଗଲେ। ବ୍ରହ୍ମାଙ୍କ ସହିତ ଫେରି ଆସିବା ବେଳକୁ ଗାଲମାଧବ ରାଜା ଦେଉଳ ଅଧିକାର କରି ଦେବତାଙ୍କୁ ପୂଜା କରୁଛନ୍ତି। ଇନ୍ଦ୍ରଦ୍ୟୁମ୍ନ ଗାଲମାଧବ ସହିତ ଯୁଦ୍ଧକଲେ। ଗାଲମାଧବ ପରାସ୍ତ ହେଲେ। ଇନ୍ଦ୍ରଦ୍ୟୁମ୍ନ ଦେଉଳ ପ୍ରତିଷ୍ଠା କଲେ। ଠାକୁରମାନେ ଦେଉଳରେ ବିଜେ ହେଲେ। ନୃସିଂହ ମୂର୍ତ୍ତି ଦର୍ଶନ ପରେ ବ୍ରହ୍ମା ଶାନ୍ତିମନ୍ତ୍ର ଜପ କଲେ। ପରେ ଇନ୍ଦ୍ରଦ୍ୟୁମ୍ନଙ୍କ ଭକ୍ତରେ ସନ୍ତୁଷ୍ଟ ହୋଇ ଜଗନ୍ନାଥ ବର ପ୍ରଦାନ କଲେ। ଇନ୍ଦ୍ରଦ୍ୟୁମ୍ନ ପ୍ରାର୍ଥନା କଲେ-ପ୍ରଭୁ!ମୋ ବଂଶରେ ଏ ଦେଉଳ ମୋର ବୋଲି ଦାବି କରିବାକୁ କେହି ନରହୁ।

ଜଗନ୍ନାଥ ମହାପ୍ରଭୁ ସେହି କାମନାନୁସାରେ ବର ପ୍ରଦାନ କଲେ,ଫଳରେ ଇନ୍ଦ୍ରଦ୍ୟୁମ୍ନ ନିବଂଶ ହେବାରୁ ଜଗନ୍ନାଥ ମହାପ୍ରଭୁ ସ୍ଵୟଂ ତାଙ୍କ ଲାଗି ଏକ ଦିନ ବାର୍ଷିକ ଶ୍ରାଦ୍ଧ କରନ୍ତି। ଦେଉଳରେ ଏ ପ୍ରଥା ଅଦ୍ୟାବଧି ପ୍ରଚଳିତ ଅଛି। ଇନ୍ଦ୍ରଦ୍ୟୁମ୍ନ ମହାରାଜା ବହୁକାଳ ପୂଜାକରି ବ୍ରହ୍ମଲୋକ ଗମନ କଲେ ଏବଂ ତାହାଙ୍କ ପରେ ଶ୍ଵେତମୁଖ ରାଜା ସେବାକଲେ। କାଳ ଆରମ୍ଭ ପରେ ଅନେକ ରାଜା ପରମେଶ୍ଵରଙ୍କୁ ସେବାକରି କାଳ କଟାଇଲେ। ପ୍ରଥମ ଦେଉଳ ୧୦୦୦ ହାତ ଉଚ୍ଚ ଥିବା କଥା ମାଦଳା ପାଞ୍ଜିରୁ ଜଣାଯାଏ।

ଇନ୍ଦ୍ରଦ୍ୟୁମ୍ନ madalapanji ମାଦଳାପାଞ୍ଜି


flag Lord Jagannath


Festival in Puri

UPCOMING FESTIVAL



Weather Puri  am16-10-2019
Temperature:28°C
Scattered Thunderstorms
Wind: 7.46km/h
East
Humidity: 80%



    LOOKING AHEAD Puri Weather
  • 17-10-2019 [ Thu]
    Thunderstorms
    High:28°C Low:27°C
  • 18-10-2019[ Fri]
    Thunderstorms
    High:28°C Low:27°C
  • 19-10-2019[ Sat]
    Thunderstorms
    High:28°C Low:27°C
  • 20-10-2019[ Sun]
    Thunderstorms
    High:28°C Low:27°C

କଳିଯୁଗରେ କିପରି ପ୍ରାଣପ୍ରିୟ କୃଷ୍ଣଙ୍କ ସଂଙ୍ଗେ ଗୋପୀମାନଙ୍କ ଭେଟ ହେବ ସେ ବିଷୟରେ ସେମାନେ କୃଷ୍ଣଙ୍କୁ ପଚାରିଥିଲେ । #kartikamasa… https://t.co/jE16McORS9
Carbon help reducing tooth decay..
ଦେଖ ଏ ନିତ୍ୟ ନୀଳାଚଳ ସକଳ ତୀର୍ଥଙ୍କଳ ଆଳ ଗୋପ ମଥୁରା ବୃନ୍ଦାବନ ଦ୍ବାରିକା ଆଦି ଯେତେ ସ୍ଥାନ କୋଟିଏ ତୀର୍ଥ ଏ କ୍ଷେତ୍ରରେ ମହିମା କହି… https://t.co/0aryxRCXK1